Մամուլի ազգային ակումբի նախագահ Նարինե Մկրտչյանը ֆեյսբուքյան իր էջում գրել է. «Հայաստանում այդպես էլ չսովորեցին երկու բան՝
1․ քաղաքական հակասությունները և անձնական հարաբերությունները միմյանց չխառնել,
2․ անձնական հարաբերությունները պահպանել՝ չնայած քաղաքական հակասություններին։
Այս երկուսը պահպանելու համար երկու բան է պետք ՝ խելամտություն և լայնախոհություն։
Խելամտություն՝ հասկանալու համար, որ քաղաքական հակասությունները չեն անհետանում, և լայնախոհություն՝ ընդունելու, որ անձնական հարաբերությունները չի կարելի զոհաբերել քաղաքականությանը»: