«Միասնական հայրենիք» կուսակցության նախագահ Սամվել Բաբայանի ուղերձը
Հայաստանի Առաջին Հանրապետության հռչակման օրն է։
1918 թվականից մինչև մեր օրեր հայոց պետականության գոյությունը պայքա՛ր է խորհրդանշել, ապրելու կա՛մք և վճռականությո՛ւն։
Այսօր, երբ հայկական երկրորդ հանրապետությունը՝ Արցախը, ոչ պակաս շրջադարձային օրեր է ապրում, չպիտի սոսկ կառչել պատմությունից, այլ` պատմական գիտակցությամբ հաղթահարել ինքներս մեզ և սերունդներին ժառանգել անվտանգ ու կայուն զարգացող հայրենիք։
Փա՜ռք Հայաստանի Հանրապետությանը,
Փա՜ռք Արցախի Հանրապետությանը,
Փա՜ռք հայոց պետականությանը: