ԱՄՆ կառավարությունը երկրի հյուսիսային մասում հետևում է հետախուզական օդապարիկին, այս մասին հայտնել են ամերիկյան ռազմական գերատեսչությունից:
Ամերիկյան լրատվամիջոցների փոխանցմամբ՝ Փենթագոնը կարծում է, որ օդապարիկն արձակել է Չինաստանը։ ԱՄՆ-ն օբյեկտի վերաբերյալ հարցում է ուղարկել այդ երկրի իշխանություններին:
Հաղորդվում է, որ օդապարիկը վտանգ չի ներկայացնում քաղաքացիական ավիացիայի համար:
Հիշեցնենք՝ Չինաստանի և ԱՄՆ-ի միջև հարաբերությունները սրվել էին ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի՝ Թայվան կատարած այցի պատճառով: