Այսօր Կառավարության նիստից հետո Առողջապահության նախարար Անահիտ Ավանեսյանը լրագրողների հետ ճեպազրույցում տեղեկացրել է, որ 2023 թվականի հունվարի 19-ին Գեղարքունիքի մարզի զորամասի կացարանում բռնկված հրդեհի հետևանքով այրվածքներ ստացած երեք զինծառայողների կյանքին վտանգ չի սպառնում. «Վիճակը բավարար է. այրվածքներով պացիենտները բավականին երկար բուժում են ստանալու»:
Նախարարը նաև հայտնել է, որ տեսակցել է զինծառայողներին, զրուցել թե՛ նրանց, թե՛ բժիշկների հետ։