Գերմանիայի արտաքին գործերի նախարար Անալենա Բերբոկը հայտարարել է, որ իր երկրի կառավարությունը չի միջամտի Լեհաստանից Ուկրաինա գերմանական «Leopard-2» տանկերի մատակարարմանը։ «Մենք գիտենք՝ որքան կարևոր են այդ տանկերը. պետք է ամեն ինչ անենք՝ կյանքեր փրկելու և ուկրաինական տարածքներն ազատագրելու համար»,- Reuters-ի փոխանցմամբ՝ ասել է նա:
Հիշեցնենք՝ Լեհաստանը, Ֆինլանդիան և մի քանի այլ երկրներ հայտնել էին, որ պատրաստ են իրենց «Leopard»-ները տալ Ուկրաինային, սակայն դրա համար անհրաժեշտ է Գերմանիայի համաձայնությունը՝ որպես արտադրող երկրի։