Գերմանիան պետք է աստիճանաբար նվազեցնի իր կախվածությունը Չինաստանից, այս մասին հայտարարել է երկրի ֆինանսների նախարար Քրիստիան Լինդները, հայտնում է Reuters-ը։ Գերմանիան աշխատում է Չինաստանի հետ հարաբերությունների նոր ռազմավարության վրա. «Նպատակ է դրված նվազեցնել կախվածությունը ասիական տնտեսական գերտերությունից, որը երկրի գլխավոր առևտրային գործընկերն է՝ սկսած 2016 թվականից»,- ասել է Լինդները:
Նրա կարծիքով, առաջիկա տարիներին գերմանական բիզնեսի համար աստիճանաբար պետք է ավելի կարևոր դառնան մյուս շուկաները. «Դրա համար անհրաժեշտ է բարելավել քաղաքական պայմանները»,- նշել է նախարարը։