«Փաշինյանը, Միրզոյանը և Գրիգորյանը ոչինչ չեն հասկանում միջազգային հարաբերություններից, ձախողել են»,-այս մասին 24TV-ի եթերում նշել է միջազգայնագետ, ամերիկագետ Սուրեն Սարգսյանը։
Սարգսյանի համոզմամբ, ՀՀ արտաքին քաղաքականությունը վախի վրա է հիմնված, իշխանությունները տապալել են ամեն ինչ։ «Նրանք չեն կարողանում որևէ գործընթաց պլանավորել և կանխատեսել, զբաղված էին միայն այստեղ կամ այնտեղ բռնկված «հրդեհները» մարելով»,- ասել է նա։
Միջազգայնագետի պնդմամբ, իշխանությունը, կարծես թե, փորձ է անում փոխել արտաքին քաղաքական կողմնորոշումը, բայց հստակ չեն բացատրում, թե ինչ են անելու Արցախի հետ, ինչպես են ապահովելու ՀՀ անվտանգությունը։
