Խնդրում ենք սպասել...
Այսօր`  երեքշաբթի, 07 փետրվարի, 2023 թ.
Օդնոկլասնիկի

Համացանց

«Ձեր նահատակ 15 որդիներին նրանց գերագույն գլխավոր հրամանատարը *** *** ներկայացրեց. մարսելո՞ւ եք». Հայկ Մարտիրոսյան

23:06, հինգշաբթի, 19 հունվարի, 2023 թ.
«Ձեր նահատակ 15 որդիներին նրանց գերագույն գլխավոր հրամանատարը *** *** ներկայացրեց. մարսելո՞ւ եք». Հայկ Մարտիրոսյան

Քաղաքագետ Հայկ Մարտիրոսյանը գրում է. «Հարգելի՛ որդեկորույս ծնողներ. այսօր ձեր նահատակ 15 որդիներին նրանց գերագույն գլխավոր հրամանատարը անուղեղ հիմար ներկայացրեց:
     Լինելով սակրավորներ` իբրև թե տասնհինգ հոգով տասնհինգ գրամ խելք չեն ունեցել, որ բաց կրակի վրա գերբռնկվող բենզին չլցնեն: Որ հրամանին չենթարկվեն, որ վառարանը, փաստացի, ռումբ չդարձնեն: Որ հայտարարվող հրդեհի պարագայում մնացած հրեղեն գունդը չշպրտեն մյուսների վրա և որ չմտածեն, որ այրվող գոմից պետք է շտապ վազքով դուրս գալ: Սակրավորները: Ռումբ վնասազերծողները: Կրակի ու ֆիզիկայի հետ գործ ունեցողները: Ինժեներները: Ֆիզիկայից հասկացողները: Զինվորները: Շփման գծի հարևանությամբ ծառայություն իրականացնողները:
     Մարսելո՞ւ եք սա:
     Մարսելո՞ւ եք պաշտպանության նախարարի, գլխավոր շտաբի պետի և կառավարության ու նրանց պարագլխի չհրաժարականի հանգամանքը:
     Մարսելո՞ւ եք, որ տասնհինգ նահատակ կյանքերի ոչնչացման մեղքը` ըստ էության` զանգվածային սպանության նմանություն ունեցող սարսափելի արարքի պատասխանատվությունն արդեն իսկ դրվել է հենց նույն այդ կյանքերի` ձեր զավակ նահատակների ուսերին:
     Ի՞նչ եք անելու»:

| | |
6199 | 0
Facebook