Ռուս զավթիչներից ազատագրված Ուկրաինայի շրջանների բնակչությունն ակտիվորեն միացել է պետական դավաճաններին և ահաբեկչական պետության հետ համագործակցողներին բացահայտելու գործին, գրում են ուկրաինական ԶԼՄ-ները։
Տեղեկատվական արշավի սկզբից Կիևի, Չեռնիգովի, Խարկովի, Խերսոնի մարզերում, ինչպես նաև Դնեպրոպետրովսկի, Օդեսայի և Զապորոժիեի շրջաններում, ՉԵՍՆՕ շարժման՝ պետական դավաճանների ռեեստրը համալրվել է ավելի քան 1000 մարդով:
Այս մարզերում ակտիվիստները տեղադրել են ավելի քան 100 գովազդային վահանակներ, ինչպես նաև համապատասխան քարոզարշավ են իրականացրել համացանցում։
Պոտենցիալ դավաճանի մասին տեղեկություն ուղարկող անձի մասին տեղեկատվությունը գաղտնի է և ոչ մի տեղ չի հրապարակվում: