Սերբական բանակը 155 մմ-անոց ինքնագնաց հաուբիցներ և ռազմական ոստիկանության կոնտինգենտ է տեղակայել մասամբ ճանաչված Կոսովոյի հետ սահմանին գտնվող Յարինե անցակետից 2 կմ հեռավորության վրա, հայտնում է տեղական N1 հեռուստաալիքը։
Նշվում է, որ Յարինե անցակետի տարածքում նկատվել է վեց հեռահար զինատեսակ, ինչպես նաև մի շարք ռազմական ոստիկաններ։
Ավելի վաղ Սերբիայի նախագահ Ալեքսանդր Վուչիչը Նեապոլում ՆԱՏՕ-ի դաշնակից ուժերի հրամանատար Ստյուարտ Մյունշին խնդրել էր ՆԱՏՕ-ին պաշտպանել սերբ բնակչությանը Կոսովոյում և Մետոհիայում։