Միջազգային

Թայվանի պաշտպանության նախարարությունը հայտնել է, որ դեկտեմբերի 25-ի առավոտյան ժամը 6-ից մինչև դեկտեմբերի 26-ի առավոտյան ժամը 6-ը 47 չինական ինքնաթիռ հատել է Թայվանի նեղուցի միջին մասը՝ երկու կողմերի միջև ոչ պաշտոնական սահմանը։
     Չինական էսկադրիլիան ներառել է 18 J-16 կործանիչ, 11 J-1 կործանիչ, 6 Սու-30 կործանիչ և անօդաչու թռչող սարքեր։

Չինաստանը շարունակում է իր ռազմական գործունեությունը կղզու մոտ։ Թայվանում տեղաշարժերը վերահսկվում են ցամաքային հրթիռային համակարգերի և նավերի միջոցով:

Reuters-ի աղբյուրը հայտնել է, որ զորավարժությունների ընթացքում Չինաստանը ռազմական ինքնաթիռներ է ուղարկել երկրի մի քանի վայրերից՝ նմանակելու Թայվանի և ԱՄՆ ռազմանավերի վրա հարձակումը:

Թայվանի նախագահ Ցայ Ինգ Վենը դեկտեմբերի 27-ի առավոտյան բարձր մակարդակի ազգային անվտանգության խորհրդակցություն է հրավիրելու՝ քննարկելու կղզու քաղաքացիական պաշտպանության ուժեղացման հարցը։ Դրան կհաջորդի մամուլի ասուլիս՝ պաշտպանական նոր միջոցառումների մասին հայտարարելու համար։

«Որքան շատ պատրաստվենք, այնքան քիչ է ագրեսիայի չմտածված փորձերի հավանականությունը: Որքան միասնական լինենք, այնքան Թայվանն ավելի ուժեղ և ապահով կդառնա»,- ասել է Ցայ Ինգ Վենը։