Խնդրում ենք սպասել...
Օդնոկլասնիկի

Համացանց

«Այս տեսանյութի իսկությունն էլ հո չենք կարող կասկածի տակ դնել». Քրիստինե Վարդանյան

11:54, ուրբաթ, 09 դեկտեմբերի, 2022 թ.
«Այս տեսանյութի իսկությունն էլ հո չենք կարող կասկածի տակ դնել». Քրիստինե Վարդանյան

ԱԺ ընդդիմադիր խմբակցության պատգամավոր Քրիստինե Վարդանյանը տեսանյութ է տարածել իր էջում՝ կից գրառմամբ. «Երեկ նաև իմ կողմից տարածված 10 տարեկան Արամի նամակի մասին:
     Այսօր համացանցում հերքում է տարածվել առ այն, որ նման ընտանիք Ջերմուկում չի բնակվում:
     Նամակի մեջ նման տեղեկատվություն չկա էլ, ուստի չի կարող այդ փաստի հերքումը կասկածի տակ դնել նամակի իսկությունը:
     Նամակի սկզբնաղբյուրը ես չեմ, այն իմ տարածելուց առաջ տարածել են բազմաթիվ օգտատերեր: Նամակի իսկությանը կասկածելու առիթ ես չունեմ նաև այն պատճառով, որ անձնապես եմ լսել ինչպես են զոհվածների ընտանիքների երեխաները որպես նվեր իրենց հայրերին ուզում:
     Սա է մեր իրականությունը: Ես հասկանում եմ դրանից ամեն կերպ խուսափելու մարդկային ցանկությունը, բայց իրականությանը կարող ենք հաղթել միայն դրան բաց աչքերով նայելու դեպքում:
     Այս տեսանյութի իսկությունն էլ հո չենք կարող կասկածի տակ դնել»:

| | |
5944 | 0
Facebook