Խնդրում ենք սպասել...
Այսօր`  չորեքշաբթի, 01 փետրվարի, 2023 թ.
Օդնոկլասնիկի

Համացանց

«117 սխալ, գրվել է ԵՊՀ-ում». Կարեն Հեքիմյան

01:06, ուրբաթ, 09 դեկտեմբերի, 2022 թ.
«117 սխալ, գրվել է ԵՊՀ-ում». Կարեն Հեքիմյան

«Քաղաքացու իրավունքների պաշտպան» Կարեն Հեքիմյանի գրառումը. «44 ուղղագրական, 61 կետադրական, 12 այլ բնույթի սխալ: Ընդհանուր՝ 117 սխալ համարակալած 7 էջում: Ընդ որում, 1-ին և 7-րդ էջերը կիսով չափ են լրացված, իսկ մնացած էջերում առկա են օրենքներից մեջբերումներ, որոնք ընդհանուր առմամբ զբաղեցնում են շուրջ 1 էջ: Ստացվում է, որ 5 էջում առկա է 117 սխալ:
     Երբ ստացա ԵՊՀ ներկայացուցիչ, փաստաբան, միաժամանակ՝ ԵՊՀ իրավաբանական ծառայության ավագ իրավախորհրդատու Բադեմյան Էդգարի «Դիրքորոշում» անվանմամբ գրությունը, որոշեցի ընթերցել այն: Կարողացա ընդամենը 2 էջ ընթերցել:
     Հայոց լեզվի համալսարանական մասնագետներին խնդրեցի շարունակել «ընթերցանությունը»: Արդյունքում հայտնաբերվեց 117 սխալ:
     Համալսարանական մասնագետներից մի քանիսը կարծիք հայտնեցին, որ գրությունը հեղինակել է Մոլդովայի կամ Ռումինիայի գնչուական համայնքի անդամներից մեկը, օրինակ՝ բարոնը: Հերքեցի, քանզի ԵՊՀ այսրոպեական ռեկտոր Հ.Հ-ն, գոնե վերջերս, աշխարհասփյուռ գնչուական համայնքից որևէ մեկի հետ չի հանդիպել: Պարզաբանեցի նաև, որ աշխարհի որևէ անկյունում նման «Դիրքորոշում» որևէ մեկը գրել չէր կարող:
     Եվ, ուրեմն, «Դիրքորոշում»-ը գրվել է ԵՊՀ-ում՝ ՀՀ հարկատուների և ուսանողների վճարներից աշխատավարձ ստացող հզոր «մասնագետների» կողմից: Ավելին՝ ԵՊՀ-ից ստացված օպերատիվ տեղեկությունների համաձայն, «Դիրքորոշում»-ը, այսրոպեական ռեկտոր Հ.Հ-ի գործուն մասնակցությամբ, գրել է անձամբ Բադեմյան Էդգարը: ՀՀ փաստաբանների պալատ, Լեզվի կոմիտե, ՀՀ կրթության, գիտության, մշակույթի և սպորտի նախարարություն, ձեզ հետաքրքրո՞ւմ է 117 սխալներով ԵՊՀ «Դիրքորոշում»-ը: Ամեն ինչ կանեմ, որ հետաքրքրի:
     ՀԳ1. Բնականաբար, այս կարգի անարգանք հայոց լեզվի և բարձրագույն կրթության հանդեպ չեմ հանդուրժի: Ամեն ջանք կգործադրեմ օր առաջ Բադեմյան Էդգարի և ԵՊՀ այսրոպեական ռեկտոր Հ.Հ.-ի միջև առկա պայծառ գործարքները ջրի երես հանելու համար:
     ՀԳ2. Հաջորդ անգամ կգրեմ «Բադեմյան Էդգար-այսրոպեական Հ.Հ.» տանդեմի պարզագույն մաթեմատիկայի բնագավառում հզորագույն գիտելիքների մասին:
     ՀԳ3. Հետևեք իրադարձությունների զարգացմանը»:

Աղբյուրը` Կարեն Հեքիմյան
| | |
4455 | 2
Facebook