Հարցազրույցներ

ԱԺ նախկին պատգամավոր Նաիրա Զոհրաբյանը 168 TV-ի եթերում «Հայաստան» համահայկական հիմնադրամին հանգանակություն արած սփյուռքահայերին կոչ է արել լինել ուշադիր, հետևողական և տեսնել՝ արդյո՞ք իրենց ուղարկած գումարով Գյումրիում երկու նորակառույց շենքերի 36 բնակարանները հասել են հասցեատերերին․ «Ուզում եմ մի սկանդալային պատմություն պատմել․ նախապես հոկտեմբերի 31-ին մարդկանց տվել են նորակառույց բնակարանների բանալիները, նկարել ռեպորտաժ, դա տարածել, բայց հետո մարդկանց ձեռքից նրանց բանալիները վերցրել են, և արդյունքում՝ կառուցված նորակառույցներում որևէ մեկը չի ապրում։ Երբ մարդկանց ձեռքից վերցրել են բնակարանների բանալիները, հիմնադրամից խոստացել են դրանք տալ մինչև դեկտեմբերի 25-ը։ Եթե մարդիկ իրենց բնակարանները չստանան, ես խոստանում եմ «Հայաստան» համահայկական հիմնադրամի բմբուլները քամուն տալ, ես բարձրացնելու եմ միջազգային սկանդալ»։