Խնդրում ենք սպասել...
Այսօր`  չորեքշաբթի, 01 փետրվարի, 2023 թ.
Օդնոկլասնիկի

Հարցազրույցներ

«Մի օր ճանապարհն են փակելու, մի օր գազն են կտրելու». Շուշիի քաղաքապետ

18:36, շաբաթ, 03 դեկտեմբերի, 2022 թ.
«Մի օր ճանապարհն են փակելու, մի օր գազն են կտրելու». Շուշիի քաղաքապետ

Կեսօրին Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել էին Ստեփանակերտ-Գորիս մայրուղին: Տեղեկությունը հայտնել էր Արցախի տեղեկատվական շտաբը։

Դրանից ժամեր անց Արցախի տեղեկատվական շտաբը հայտնեց, որ ադրբեջանական կողմի հետ ավելի քան երեք ժամ տևած բանակցությունները տվել են դրական արդյունք և ճանապարհը բացվել է։

168.am–ի հետ զրույցում Արցախի Հանրապետության Շուշիի քաղաքապետ Արծվիկ Սարգսյանն ասաց, որ Ստեփանակերտի իր տնից տեսնում է այն ճանապարհը, որտեղ ադրբեջանցիները փակել էին՝ մեքենաները շարժվում են։

«Ռուս խաղաղապահների միջնորդությամբ բաց է ճանապարհը։ Դե, մեզ համար այս ամենը սպասելի էր, այդ ապուշներն իրենց սադրանքները սկսել են, այդպես էլ շարունակելու են, մի օր ճանապարհն են փակելու, մի օր գազն են կտրելու և այդպես շատ բան են անելու։

Քարին տակ-Շուշի-Ստեփանակերտի խաչմերուկում են կանգնած եղել, մի ճանապարհն իջնում է դեպի Քարին տակ, մյուս ճանապարհով բարձրանում են դեպի Շուշի, մյուսն էլ իջնում է Ստեփանակերտ, այնպես են արել, որ բոլոր կողմերից փակ լինի»,- նշեց Արծվիկ Սարգսյանը։

Ըստ նրա, այդ խաչմերուկում ադրբեջանցիները դարպասներ են դրել՝ Սղնախից գալիս, մտնում են Քարին տակ ու գնում Շուշի։

| | |
1885 | 0
Facebook