Համացանց

Բիզնես բլոգեր, մարքեթոլոգ Վահագն Դիլբարյանը ֆեյսբուքյան իր էջում գրել է. «12 հարց, որը ցանկալի է ծնողները տան ցանկացած վերջին դասարանի աշակերտին մասնագիտություն ընտրելիս
     1. Դու ցանկանում ես աշխատել թղթերի/համակարգչի հետ, թե՞ մարդկանց:
     2. Սիրում ես նստակյաց աշխատանք, թե՞ ակտիվ:
     3. Ցանկանում ես աշխատել քո համար, թե՞ շեշտը դնում ես կարիերայի վրա:
     4. Ցանկանում ես աշխատել հստակ, ընդգծված օրակարգով, թե՞ հիմնականում կրեատիվ:
     5. Ցանկանում ես աշխատել մեծ, թե՞ փոքր թիմերում:
     6. Ցանկանում ես աշխատել պետական, թե՞ մասնավոր սեկտորում:
     7. Ցանկանում ես սովորել այստեղ, թե՞ արտերկրում:
     8. Ցանկանում ես լինել կատարող, թե՞ ղեկավար, որովհետև կարող ես լինել իդեալական կատարող, բայց վատ ղեկավար:
     9. Ցանկանում ես մի ոլորտում աշխատել, թե՞ տարբեր ոլորտներում:
     10. Ցանկանում ես ունենալ շատ գումար, բայց նյարդային օրեր, թե՞ հանգիստ կյանք, բայց ինչքան կստանաս, այդքան գումար:
     11. Ցանկանում ես աշխատել 9-ից 18-ը հատվածում, թե՞ ազատ գրաֆիկով:
     12. Ի՞նչ արդյունք կուզենայիր ունենալ 10 տարի հետո՝ ֆինանսական, անձնական աճի, կայացած լինելու տեսանկյունից:
     Հիմա արագ դար է ու այս հարցերի պատասխանները մոտավորապես ցույց են տալու, թե ինչպես կարելի է ուղղորդել երիտասարդին, որ չսխալվի մասնագիտության ընտրության հարցում»: