Խնդրում ենք սպասել...

Միջազգային

Չինաստանում բողոքի հակակորոնավիրուսային ցույցերը վերաճել են հակակառավարական ցույցերի

17:42, կիրակի, 27 նոյեմբերի, 2022 թ.
Չինաստանում բողոքի հակակորոնավիրուսային ցույցերը վերաճել են հակակառավարական ցույցերի

Չինաստանում ակտիվացել են բողոքի ցույցերը. ընդդեմ կորոնավիրուսի դեմ պայքարի կառավարական միջոցառումների մեկնարկած ցույցերն արդեն վերաճել են քաղաքական հակակառավարական կցույցերի: BBC-ն հայտնում է, որ հազարավոր ցուցարարներ դուրս են եկել Շանհայի փողոցներ։

Չինաստանի ամենամեծ քաղաքում և երկրի արևելքում գտնվող համաշխարհային ֆինանսական կենտրոնում տեղի ունեցած բողոքի ցույցի ժամանակ մարդիկ բացահայտ բղավում էին «Սի ​​Ցզինպին, հեռացիր» «Կոմունիստական ​​կուսակցություն, հեռացիր» կարգախոսները։ Նման կարգախոսներն անսովոր են Չինաստանի համար, նշում է բրիտանական հրատարակությունը։
     Վերլուծաբաններն ասում են, որ կառավարությունը, ըստ երևույթին, թերագնահատել է աճող դժգոհությունը զրոյական Covid-ի քաղաքականության վերաբերյալ, որը կապված է Սի Ցզինպինի հետ, ով վերջերս խոստացել էր շարունակել այն:

Բողոքի ցույցեր են նաև Պեկինի և Նանջինգի համալսարաններում։ Մայրաքաղաքի Ցինխուա համալսարանում նման ցույցերից մեկին մասնակցել են հարյուրավոր մարդիկ։ Ցուցարարները կրում էին դատարկ թղթեր՝ չինական գրաքննության դեմ դիմադրության նոր խորհրդանիշ, և վանկարկում էին ազատության և ժողովրդավարության աջակցության կարգախոսներ:

BBC-ն նշում է, որ միլիոնավոր մարդիկ հոգնել են տեղաշարժի երեք տարվա սահմանափակումներից և ամենօրյա կորոնավիրուսային ստուգումներից։ Զայրույթը պատել է Չինաստանի բոլոր շրջանները՝ միավորելով հասարակության բոլոր շերտերին, ներառյալ երիտասարդ համալսարանականներին, գործարանների աշխատողներին և հասարակ քաղաքացիներին:

Ոմանք բողոքի ակցիա են անցկացրել չինական դրոշներով և երգել ազգային օրհներգը, որի խոսքերը հեղափոխական իդեալներ են քարոզում և ժողովրդին «ոտքի կանգնելու» կոչ են անում։

31 նահանգների իշխանությունները, որոնց տարածքում կան մի քանի հսկայական մետրոպոլիաներ, հայտնում են Չինաստանում կորոնավիրուսի բռնկման մասին։ Դրանց թվում են մայրաքաղաք Պեկինը (ավելի քան 22 մլն բնակիչ), Գուանչժոուն՝ խոշոր առևտրային քաղաքը երկրի հարավում (18,5 մլն)։

4772 | 0
Facebook