Խնդրում ենք սպասել...
Օդնոկլասնիկի

Համացանց

««Ապօրինի» սրճարանների տեղում կկառուցվեն նոր՝ «օրինական» սրճարաններ». Կարեն Հեքիմյան

12:42, շաբաթ, 26 նոյեմբերի, 2022 թ.
««Ապօրինի» սրճարանների տեղում կկառուցվեն նոր՝ «օրինական» սրճարաններ». Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանի ֆեյսբուքյան գրառումը. «Երևանի քաղաքապետարանը կրկին «մեծ թափով» սկսեց «ապօրինի» սրճարանների ապամոնտաժումը: Սկզբից՝ օղակաձև զբոսայգում:
     Ի՞նչ նպատակ է հետապնդում Երևանի քաղաքապետարանը:
     Մեզանից որևէ մեկը (այդ թվում քաղաքապետարանի պաշտոնյաները) դժվար կպատկերացնի որևէ այգի առանց սրճարանների:
     Այդ իմաստով, անհավատալի է, որ ապամոնտաժված սրճարանների տեղում տեսանելի ապագայում չհայտնվեն նոր «օրինական» սրճարաններ: Այդ դեպքում, ի՞նչ էր խանգարում Երևանի քաղաքապետարանին «օրինականացնել», որոշ դեպքերում շուրջ 40-50 տարի անխափան գործող «ապօրինի» սրճարանները: Ավելին՝ եթե, օրինակ՝ սրճարանների տեսքը Երևանի քաղաքապետարանի չէր բավարարում, ապա կարող էին, չէ՞, ստիպել տնտեսվարողին փոխել այն: Նախընտրեցին ապամոնտաժել: Ինչո՞ւ:
     2023թ. Երևանի քաղաքապետի ընտրություններն են: Իշխանությանն ընտրողներ են անհրաժեշտ: Սրճարանների համատարած ապամոնտաժմամբ իշխանությունը միաժամանակ երկու խնդիր է լուծում: Նախ՝ իրեն ապահովագրում է սրճարաններից չօգտվող և դրանց սեփականատերերի հանդեպ նախանձով ու չարությամբ (այդպիսիք մեր հասարակությունում շատ են) վերաբերվող քաղաքացիների քվեով: Բացի դրանից՝ սրճարանների տարածքները դառնում են «ձայն բերողների» համար սակարկության առարկա: Կարծում եմ, որ շուտով կպարզվի, թե Երևանի կենտրոնում քանի ձայն արժի սրճարանի մեկ քառակուսի մետրը:
     Ինչևէ: Կանցնի 2023թ: Կգա 2024-ը: «Ապօրինի» սրճարանների տեղում կկառուցվեն նոր՝ «օրինական» սրճարաններ: ՀՀ քաղաքացիների մի մասը կշարունակեն չօգտվել նոր սրճարաններից և նախանձով վերաբերվել դրանց նորահայտ սեփականատերերերին: Մինչև նոր ընտրություններ:
     Հա, չմոռանամ ասել, որ այգիներում առկա սրճարանները երբեք որևէ իշխանություն չի օրինականացնելու: Դրանք միշտ «կիսաօրինական» կարգավիճակ են ունենալու, քանզի ընտրությունները պարբերական լինելու հատկություն ունեն»:

Աղբյուրը` Կարեն Հեքիմյան
| | |
2888 | 0
Facebook