Համացանց

Ազգային-ժողովրդավարական Բևեռը ֆեյսբուքյան էջում հայտնում է. «Ըստ հավաստի տեղեկությունների Վարուժան Ավետիսյանին տեղափոխել են Էրեբունի հիվանդանոց՝ բժշկական հետազոտություններ անցկացնելու:
     Հիշեցնում ենք, որ Ազգային-ժողովրդավարական Բևեռի պահանջն էր Վարուժան Ավետիսյանին տեղափոխել քաղաքացիական հիվանդանոց՝ մշտական հսկողության տակ գտնվելու նպատակով:
     Նրա հիվանդությունը, որի հարուցիչը հայաստանյան բժշկական հետազոտություններով ինչպես նախկինում , այնպես և ներկայում հնարավոր չի պարզել, ունի կրկնվող ալիքաձև սրացման բնույթ, որը սպառնում է կյանքին:
     Սրացումները ուղեկցվում են որոշակի նախանշաններով, որոնք ներկայումս առկա են, ուստի մեր պահանջը ուժի մեջ է՝ ապահովել Վարուժան Ավետիսյանի մշտական հատուկ բժշկական հսկողությունը քաղաքացիական հիվանդանոցում»: