«Ասում են՝ վա՜յ, Հայաստանի պետական պարտքը դարձել է, չգիտեմ, 7 մլրդ և այլն. թիվն էական չէ, էական է, թե ՀՆԱ-ի նկատմամբ պետական պարտքն ի՞նչ ծավալ է կազմում»,- Կառավարության այսօրվա նիստում հայտարարեց Նիկոլ Փաշինյանը՝ միաժամանակ հարցնելով Ֆինանսների նախարարին. «Քանի՞ մլրդ է դարձել»: Տիգրան Խաչատրյանը տեղեկացրեց՝ «տարեվերջին 10-ից մի քիչ բարձր կլինի»: «Մեր խնդիրն այն է, որ մեր ՀՆԱ-ն ի վիճակի լինի, այսինքն՝ մենք մեր հնարավորությունների չափով իրականացնենք ու մեր պարտքը ՀՆԱ-ի նկատմամբ ոչ թե աճի, այլ նվազի»,- շարունակեց Փաշինյանը: