ԱՄՆ նախագահ Ջո Բայդենը պետքարտուղար Էնթոնի Բլինքենին հանձնարարել է Ուկրաինային տրամադրել 400 միլիոն դոլար ռազմական աջակցություն։ Այս մասին հայտնում է Սպիտակ տան կայքը։
Ինչպես նշվում է, որոշումը պետության ղեկավարն ընդունել է «Օտարերկրյա օգնության մասին» օրենքի շրջանակներում։
Մինչ այդ ԶԼՄ-ները գրում էին, որ ԱՄՆ նախագահի վարչակազմը 37,7 միլիարդ դոլար է խնդրում Ուկրաինային աջակցելու համար, իսկ Փենթագոնի ղեկավար Լլոյդ Օսթինի խոսքով՝ ԱՄՆ-ն Ուկրաինային փոխանցել է 20 միլիարդ դոլարի ռազմական օգնություն։