Հավաքական անվտանգության պայմանագրի կազմակերպության (ՀԱՊԿ) երևանյան գագաթնաժողովում Ղազախստանի նախագահ Կասիմ-Ժոմարտ Տոկաևը հույս է հայտնել, որ ռուսական կողմի խաղաղապահ ջանքերը կկարգավորեն հայ-ադրբեջանական հակամարտությունը։
Երկրի ղեկավարի մամուլի ծառայության փոխանցմամբ՝ Տոկաևը, ելույթ ունենալով գագաթնաժողովում, աջակցել է հայ-ադրբեջանական հակամարտության դիվանագիտական կարգավորմանն ուղղված քայլերին։
«Մենք բոլորս շահագրգռված ենք Հայաստանի և Ադրբեջանի միջև հարաբերությունների կարգավորմամբ: Հուսով ենք, որ ռուսական կողմի խաղաղապահ ջանքերը թույլ կտան հայ-ադրբեջանական հակամարտությունը կարգավորել բացառապես քաղաքական և դիվանագիտական միջոցներով և կողմերին կհանգեցնի խաղաղության պայմանագրի համաձայնագրի ստորագրմանը»,- ասված է Տոկաևի մամուլի հաղորդագրության մեջ։
ՀԱՊԿ-ն ընդգրկում է 6 պետություն՝ Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը։