Telegram-ի @news օգտանունը վաճառվել է բլոկչեյն աճուրդում 994,000 TON-ով կամ 1,7 միլիոն դոլարով։ Նախորդ ռեկորդը պատկանում էր Auto մականվանը, որը վաճառվել է 1,6 միլիոն դոլարով:
Անունը գնած օգտատերն իր հաշվում ունի 20,9 մլն TON։ Նախկինում նա արդեն մի քանի օգտանուն է գնել սոցցանցում՝ @pasta, @pizza, @discount, @insurance և այլն։
Telegram-ի ստեղծող Պավել Դուրովը հոկտեմբերի վերջին հայտարարել էր օգտանունների վաճառքի Fragment հարթակի մասին։ Գնումը տեղի է ունենում բլոկչեյն աճուրդի ձևաչափով՝ մեկ մականունը 90 ռուբլի մեկնարկային գնով։
Օգոստոսի վերջին Telegram-ը հեռացրեց այն հասցեները, որոնք մեկ տարի չէին գործածվում։