Թուրքիայի նախագահ Թայիփ Էրդողանը, պատասխանելով Սիրիայի նախագահ Բաշար ալ-Ասադի հետ Ռուսաստանի միջնորդությամբ հնարավոր հանդիպման մասին հարցին, ասել է, որ Անկարան կարող է գնահատել առաջարկը, երբ ժամանակը գա։ «Քաղաքականության մեջ հավերժ դժգոհություններ չկան: Կարող ենք վերանայել մեր հարաբերություններն այն երկրների հետ, որոնց հետ խնդիրներ ունենք»,- Ինդոնեզիայից վերադառնալու ճանապարհին՝ լրագրողներին ասել է Էրդողանը, փոխանցում է РИА Новости-ն։