Խնդրում ենք սպասել...

Իրադարձություններ

Ավտովթար՝ Երևան-Սիսիան ճանապարհին. կա 8 վիրավոր, նրանցից մեկին Երևան են տեղափոխել սանավիացիայի միջոցով

14:18, չորեքշաբթի, 09 նոյեմբերի, 2022 թ.
Ավտովթար՝ Երևան-Սիսիան ճանապարհին. կա 8 վիրավոր, նրանցից մեկին Երևան են տեղափոխել սանավիացիայի միջոցով

Նոյեմբերի 9-ին՝ ժամը 09։04-ին, Սյունիքի մարզային ճգնաժամային կառավարման կենտրոն տեղեկություն է ստացվել, որ Սիսիան-Երևան ավտճանապարհի 17-րդ կմ-ի հատվածում տեղի է ունեցել ՃՏՊ․ կան տուժածներ։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «VAZ-2106» (վարորդ՝ Ա․ Հ․, ծնված 1967թ․) և «VAZ-2107» մակնիշների ավտոմեքենաները, ինչի հետևանքով Ա․ Հ-ն արգելափակվել է։

Մինչ փրկարարների կանչի վայր հասնելը՝ «VAZ-2106» մակնիշի ավտոմեքենայի տուժածներ Ս․ Գ-ն (ծնված 1983թ.), Լ․ Ս-ն (ծնված 1983թ.), Գ․ Ն-ն (ծնված 1987թ.), Ռ․ Ա-ն (ծնված 1986թ.), Տ․ Ա-ն (ծնված 1994թ.) և «VAZ-2107» մակնիշի ավտոմեքենայի տուժածներ Ռ․ Թ-ն (ծնված 1992թ.), Ս․ Ա-ն (ծնված 1963թ.) տեղի ուժերով տեղափոխվել են Սիսիան քաղաքի ԲԿ բժիշկները տուժածների առողջական վիճակը գնահատել են բավարար։

Փրկարարներն արգելափակումից դուրս են բերել «VAZ-2106» մակնիշի ավտոմեքենայի վարորդին։

«Երևան-Սիսիան ավտոճանապարհին տեղի ունեցած վթարի հետևանքով տուժել է 8 քաղաքացի: Նրանցից 5-ը գտնվում են մարզային բժշկական կենտրոնի հսկողության տակ: Բժիշկները տուժածների առողջական վիճակը միջին ծանրության են գնահատում:

Վթարից մյուս 3 տուժածներին տեղափոխել են մայրաքաղաքի բժշկական կենտրոններ: Նրանցից մեկի վիճակը ծայրահեղ ծանր է գնահատվում և տեղափոխումն իրականացվել է սանավիացիայի միջոցով»,- այս մասին հաղորդագրություն է տարածել ՀՀ առողջապահության նախարարությունը:

4477 | 0
Facebook