Երևանի քաղաքապետ Հրաչյա Սարգսյանը ճեպազրույցի ընթացքում լրագրողի հարցին՝ «ի՞նչ խախտման համար է Գագիկ Ծառուկյանի ընկերությունը 290 մլն դրամ տուգանք վճարել», պատասխանել է․ «Առանց թույլտվության հաստատված նախագծից ավել աշխատանքներ են իրականացվել»։
Դիտարկմանը՝ «արդյո՞ք անձի հետ կապված խնդիր էր «Մոսկվա» կինոթատրոնի դիմաց բարձրահարկ շենքի շինարարությունը կանգնեցնելը, քանի որ Ծառուկյանը այդ ընթացքում ակտիվ ընդդիմադիր գործունեությամբ էր զբաղված, իսկ այդ ժամանակ քաղաքապետ Հայկ Մարությանի կողմից շինթույլտվությունների խնդիր կար՝ քաղաքական ենթատեքստով», քաղաքապետն արձագանքել է․ «Մեր կողմից չի եղել կանգնեցելը: Ես նորից եմ կրկնում՝ մենք ունենք խնդիր, միայն այդ կառուցապատումը չէ»։