«Հայաստանից դեպի Իրան արտահանումների մեջ մեծ խոչընդոտ ենք տեսնում։ Հասկանում ենք, որ Իրանն ունի որոշակի սահմանափակումներ, իրենց տնտեսությունը կոչվում է դիմադրողականության տնտեսություն, ու իրենք շատ քիչ են շահագրգռված ապրանքների ներմուծման մեջ: Մենք շատ կուզենք, որ առևտուրը լինի երկկողմանի, բայց հասկանում ենք, որ դժվար է գործընկերներին ստիպել մի բան, որն իրենք չեն ուզում։ Սակայն Հայաստանն իր ջանքերը կենտրոնացնում է, որ երկու երկրներով ապրանք վաճառեն երրորդ երկրներին: Աշխատում ենք, որ Իրանով անցնող լոգիստիկ ուղիները դառնան ավելի հասանելի հայ բեռնափոխադրողների համար»,- ԱԺ-ում 2023 թվականի պետական բյուջեի նախագծի քննարկման ժամանակ ասել է ՀՀ էկոնոմիկայի նախարար Վահան Քերոբյանը: