Առնվազն 20 մարդ է զոհվել, ևս 45-ը՝ վիրավորվել Իրանի հարավում գտնվող Շիրազ քաղաքի Շահ Չերահի դամբարանի մզկիթի վրա հարձակման հետևանքով, գրում է IRNA-ն։
Իրանական իրավապահ մարմինների աղբյուրը գործակալությանը հայտնել է, որ երեք զինված տղամարդ մտել են մզկիթ և ավտոմատից կրակ բացել։ Իրանի իրավապահ մարմինները շեշտում են, որ մզկիթի վրա հարձակվողները Իրանի քաղաքացիներ չեն։
Հաղորդվում է, որ հարձակվողներից երկուսը ձերբակալվել են, երրորդի որոնումները շարունակվում են։