Ռուսաստանը կբախվի հետևանքների, եթե Ուկրաինայի դեմ միջուկային զենք կամ «կեղտոտ ռումբ» օգտագործի։
Այս մասին ճեպազրույցի ժամանակ հայտարարել է ԱՄՆ պետդեպարտամենտի պաշտոնական ներկայացուցիչ Նեդ Փրայսը։
Նա հիշեցրել է, որ ԱՄՆ-ն արդեն զգուշացրել է ռուսներին այն լուրջ հետևանքների մասին, որոնք կարող են առաջանալ միջուկային զենքի կիրառումից։
Հիշեցնենք՝ Ռուսաստանը պնդում է, թե Ուկրաինան հասել է միջուկային «կեղտոտ ռումբի» ստեղծման վերջին փուլին և պատրաստվում է այն կիրառել այս պատերազմում։ Ուկրաինան արձագանքում է՝ եթե Ռուսաստանն ասում է, որ Ուկրաինան «կեղտոտ ռումբ» է պատրաստում, նշանակում է՝ ինքն է պատրաստել: