Ուկրաինայի նախագահ Վլադիմիր Զելենսկին նախօրեի տեսաուղերձում նշել է, որ ռազմական ակտիվ գործողությունները շարունակվում են: «Օրվա ընթացքում օդային տագնապ է հայտարարվել Ուկրաինայի շրջանների մեծ մասում: Անօդաչու թռչող սարքերի և հակառակորդի ինքնաթիռների նոր ոչնչացումներ կան: Ուկրաինայի արևելքում և հարավում ռազմական ակտիվ գործողությունները շարունակվում են: Մեր Զինված ուժերը պահպանում են նախաձեռնությունը»,- ընդգծել է Զելենսկին: