Խնդրում ենք սպասել...
Այսօր`  երկուշաբթի, 05 դեկտեմբերի, 2022 թ.

Համացանց

«Դիմում եմ բանակի նյութատեխնիկական ապահովման պատասխանատու կառույցներին»․ Նաիրի Հոխիկյան

20:36, շաբաթ, 01 հոկտեմբերի, 2022 թ.
«Դիմում եմ բանակի նյութատեխնիկական ապահովման պատասխանատու կառույցներին»․ Նաիրի Հոխիկյան

Լրագրող Նաիրի Հոխիկյանի գրառումը. «Նիկոլ Փաշինյանը սեպտեմբերի 30-ին գնացել է Պն և խիստ հանձնարարել ամեն կերպ խանգարել հանրության կողմից բանակին աջակցությանը։ Մեր բանակի թիկունքին այսօր կանգնած է բացառապես ազգը՝ ընդդեմ քաղաքական իշխանության դավաճանության։
     Այս պայմաններում Նիկոլ Փաշինյանի ու նրա խունտայի համար սարսափելի է գիտակցել, որ կարող են իրենց ծրագրերը չիրականանալ, եթե հանրությունը շարունակի աջակցել բանակին ու պահել մարտական բարձր կարգավիճակում։
     ՀՀ ՊՆ-ն էլ այսօր հայտարարություն է տարածել՝ սպառնալով որևէ կերպ չօգնել բանակին, այլապես ուժային կառույցների հետ խնդիրներ կունենան։
     Եթե արգելելու են փողոցում սնունդ կամ դեղորայք հավաքողներին, թող անեն, բայց որևէ մեկը չի կարող ինձ արգելել, որ իմ հայրենիքի բանակին ապահովեմ քնապարկերով, վրաններով, քողարկող ցանցերով կամ առաջնագծի կահավորման այլ անհրաժեշտ իրերով։ Ու թող որևէ ուժային կառույց փորձի խնդիրներ ստեղծել։ Բոլորի համար համարժեք պատասխան ունեմ։
     Հենց հիմա էլ դիմում եմ բանակի նյութատեխնիկական ապահովման պատասխանատու կառույցներին՝ միասին գնանք առաջնագիծ ու գույքագրում անենք։ Եթե ապացուցեք, որ դուք ձեր պարտականությունը լավ եք կատարում, ես կընդունեմ պահանջը։ Իսկ մինչև այդ երբևէ չփորձեք ինձ հետ սպառնալիքով խոսել, մինչև հիմա նույն ՔՊ-ի սպառնալիքները իմ առումով չեն աշխատել, էլի չեն աշխատի։
     Հայկական բանակը պետք է ապահովված լինի այն ամենով, ինչ անհրաժեշտ է առաջնագծում կանգնած զինվորին։ Ազգը զինվորի թիկունքին է, կշարունակի լինել այդպիսին, ու պաշտոնի համար հայրենիքն ուրացած մի քանի չինովնիկները չէ, որ պետք է թույլ տան կամ թույլ չտան»։

Աղբյուրը` Նաիրի Հոխիկյան
| | |
4707 | 1
Facebook