Խնդրում ենք սպասել...

Համացանց

«Ինչքա՞ն կարելի է ասել, որ ֆիզիկապես չի կարող ոչ մեկի ընկերն ինչ-որ կոնկրետ պոստից տեղեկություն ունենալ». Վահագն Ալեքսանյան

12:18, հինգշաբթի, 29 սեպտեմբերի, 2022 թ.
«Ինչքա՞ն կարելի է ասել, որ ֆիզիկապես չի կարող ոչ մեկի ընկերն ինչ-որ կոնկրետ պոստից տեղեկություն ունենալ». Վահագն Ալեքսանյան

ԱԺ ՔՊ խմբակցության պատգամավոր Վահագն Ալեքսանյանը ֆեյսբուքյան իր էջում գրել է. «Երեկ չգիտես՝ ինչու էլի ամբողջ սոցիալական ցանցը հեղեղված էր «ընկերներս պոստերից ասեցին» ոճի մի գրառմամբ։ Լավ, ինչքա՞ն կարելի ա ասել, որ ֆիզիկապես չի կարող ոչ մեկի ընկերն ինչ-որ կոնկրետ պոստից տեղեկություն ունենալ ամբողջ ճակատից ու էլ չեմ ասում, որ ականանետային հարվածների տակ որոշի դրա մասին հեռախոսով պատմել ինչ-որ մեկին։

Լավ, ասենք՝ դուք ո՞նց եք պատկերացնում, որ մարտ վարող զինվորը, ով ունի մի քանի հարյուր մետր, լավագուն դեպքում՝ 1-2 կիլոմետր տեսադաշտ, հենց նույն պահին տիրապետի էնպիսի ինֆորմացիայի, որին հնարավոր է տիրապետել, եթե քեզ զեկուցել են երկու տարբեր կորպուսների հրամանատարներ։

Չգիտեմ, թե ինչքանով եք նկատել, բայց ՊՆ պաշտոնական հաղորդագրությունները տրվում են հնարավորինս արագ, առանց էմոցիոնալ բաղադրիչի ու ռազմական քարոզչության։ Հետևեք դրանց ու խնդրում եմ զերծ մնացեք «պոստերից ընկերս» ու կամ «ներսից մարդ» տեսակի գրառումները տարածելուց»։

5598 | 1
Facebook