Միջազգային

ԱՄՆ պետքարտուղար Էնթոնի Բլինքենը Նյու Յորքում Հայաստանի արտգործնախարար Արարատ Միրզոյանի և Ադրբեջանի արտգործնախարար Ջեյհուն Բայրամովի հետ քննարկել է Երևանի ու Բաքվի միջև կարգավորման հետագա քայլերը՝ կողմերին կոչ անելով կրկին հանդիպել մինչև ամսվա վերջ։ Այս մասին հայտնում է Պետդեպարտամենտի մամուլի ծառայությունը։ «Պետքարտուղարն իր ցավակցությունն է հայտնել մարդկային կորուստների համար և շեշտել անհրաժեշտությունը՝ կանխելու հետագա ռազմական գործողությունները՝ ընդգծելով խաղաղ գործընթացին վերադառնալու կարևորությունը»,- հայտնել է Պետդեպի խոսնակ Նեդ Փրայսը: