Խնդրում ենք սպասել...
Այսօր`  հինգշաբթի, 29 սեպտեմբերի, 2022 թ.
Օդնոկլասնիկի

Թերթերի տեսություն

Այս օրերին «Վիվառո»-ի տնօրենի դարդուցավն իր ընկերությունը գովազդելն է. «Ժողովուրդ»

08:18, հինգշաբթի, 15 սեպտեմբերի, 2022 թ.
Այս օրերին «Վիվառո»-ի տնօրենի դարդուցավն իր ընկերությունը գովազդելն է. «Ժողովուրդ»

«Ժողովուրդ» օրաթերթը գրում է․ «Մինչ 18-ամյա պատանիներն ու ժամկետային զինծառայողներն ամեն պահի կյանքի ու մահվան կռիվ են տալիս Հայաստանի սահմանին, «Վիվառո» ընկերության հիմնադիր տնօրեն Վիգեն Բադալյանը սեփական ընկերությունը գովազդելով է զբաղված:

Հազարավոր մարդկանց առցանց խաղատների միջոցով սնանկության հասցրած, շահումով օնլայն խաղերի պատճառով տուն-տեղ վաճառելու պատճառ դարձած ընկերության տնօրենի դարդուցավն այս պահին, փաստորեն, իր ընկերությունը գովազդելն է: Facebook-ի նրա պատին տեղադրված գովազդից, ի դեպ, տեղեկանում ենք, որ հովանավորում է մի փառատոնի, ինչին մասնակցության տոմսի վրա «18+» գրությունը կա: Մարդու գլխում իսկապես չի տեղավորվում՝ ինչպես, ինչ սրտով է կարողանում հսկայական կառույցի ղեկավարն օրհասական այս օրերին փառատոնի կամ այն գովազդելու մասին մտածել:

Երևանից մի քանի կիլոմետր այն կողմ 18-ամյա տղաներ են զոհվում, պայմանագրային զինծառայողներ են գերի ընկնում, հակառակորդի մոտ հարյուրավոր դիակներ կան, մարդկանց ճակատագրեր են խեղվում, հայրենազրկվում ենք, իսկ զուգահեռ իրականությունում Մալթայի քաղաքացի, Հայաստանում հարստացած գործարարը «18+» փառատոնն ու իր ընկերությունն է գովազդում»:

Մանրամասները՝ թերթի համարում:

| | |
4399 | 0
Facebook