Խնդրում ենք սպասել...

Միջազգային

Ռուսաստանում հերթական թոփ-մենեջերն է մահացել անհեթեթ պայմաններում

21:24, երկուշաբթի, 12 սեպտեմբերի, 2022 թ.
Ռուսաստանում հերթական թոփ-մենեջերն է մահացել անհեթեթ պայմաններում

Հեռավոր Արևելքի և Արկտիկայի զարգացման կորպորացիայի ավիացիոն գործունեության գործադիր տնօրեն Իվան Պեչորինը մահացել է Վլադիվոստոկի Ռուսսկի կղզու մոտ: Այս մասին հայտնում է մամուլի ծառայությունը։
     Ռուսական լրատվամիջոցների փոխանցմամբ՝ Պեչորինը մահացել է շաբաթ օրը՝ սեպտեմբերի 10-ի երեկոյան, Իգնատիև հրվանդանի մոտ։ ՌԴ ոստիկանության պաշտոնական վարկածի համաձայն՝ նա, իբր, դուրս է ընկել արագ սլացող նավից։ Բարձրաստիճան պաշտոնյայի որոնման համար ներգրավվել են ՌԴ ԱԻՆ աշխատակիցները։ Ավելի ուշ որոնողական խումբը հայտնաբերել է մահացածի դին։

Պեչորինը մասնակցել է Արևելյան տնտեսական ֆորումին, որն անցկացվել է Վլադիվոստոկում սեպտեմբերի 5-ից 8-ը։ Նա ներգրավված էր Հեռավոր Արևելքի ավիացիոն հասանելիության զարգացմանը, ներառյալ՝ ուղևորների օդային փոխադրումների աջակցությունը, օդանավակայանի ենթակառուցվածքների արդիականացումը և նոր թռիչքուղիների կառուցումը:

Փետրվարին կորպորացիայի 43-ամյա գլխավոր տնօրեն, Նիժնի Նովգորոդի մարզի նախկին փոխնահանգապետ Իգոր Նոսովը մահացել էր կաթվածից։

Սա վերջին շրջանում Ռուսաստանում խոշոր պաշտոնյաների և գործարարների առաջին մահը չէ։ Հունվարին 60-ամյա Լեոնիդ Շուլմանին մահացած էին գտել, փետրվարին՝ 61-ամյա Ալեքսանդր Տյուլյակովին։ Երկուսն էլ բարձր պաշտոններ են զբաղեցրել «Գազպրոմի» կառույցում և իբր, ինքնասպան են եղել։ Ապրիլին Մոսկվայում մահացած են գտել «Գազպրոմբանկ»-ի նախկին փոխնախագահ Վլադիսլավ Ավաևին, նրա դստերն ու կնոջը։ Ըստ քննիչների, Ավաևը ​​նախ կրակել է իր ընտանիքի վրա, իսկ հետո կրակել է ինքն իրեն։ Մի քանի օր անց նմանատիպ դեպք է տեղի ունեցել Իսպանիայում, որտեղ մահացած են գտել Novatek-ի նախկին թոփ-մենեջեր Սերգեյ Պրոտոսենյային, նրա կնոջն ու դստերը։ Հուլիսին Սանկտ Պետերբուրգի արվարձաններում գնդակահարված հայտնաբերեցին Astra Shipping տրանսպորտային կազմակերպության ղեկավար Յուրի Վորոնովին, որը զբաղվում էր «Գազպրոմ»-ի արկտիկական պայմանագրերով։ Վերջերս Մոսկվայում մահացել է Lukoil-ի փոխնախագահ Ռավիլ Մագանովը։ 67-ամյա թոփ-մենեջերն ընկել է հիվանդանոցի պատուհանից:

5925 | 0
Facebook