Խնդրում ենք սպասել...

Միջազգային

Ռուսական զորքերը «շտապ լքել են Իզյումը». Ստրելկով

17:48, շաբաթ, 10 սեպտեմբերի, 2022 թ.
Ռուսական զորքերը «շտապ լքել են Իզյումը». Ստրելկով

Սեպտեմբերի 10-ին ուկրաինացի զինվորականները հայտարարել են, որ ռուսները լքել են Իզյումը, Facebook-ում հայտնել է «Սվոբոդա» գումարտակի հրամանատար, մայոր Պետրո Կուզիկը։

Politics of the Country թելեգրամ-ալիքն էլ գրում է, որ եթե այս հաղորդագրությունը համապատասխանում է իրականությանը, ապա, նախ, Սլավյանսկի վրա հարձակման վտանգը գործնականում վերացված է, քանի որ պարզվում է, որ ռուսական բանակը լքել է Սևերսկի Դոնեցի աջ ափը, որտեղից պատրաստվում էր հարձակվել Սլավյանսկի և Կրամատորսկի վրա: Ռուսական զորքերը դեռևս մնում են Դոնեցի ձախ ափին գտնվող, Սլավյանսկին հարող տարածքներում, բայց այնտեղից դժվար է հարձակվել՝ գետի վրայով և աջ բարձր ափով: Երկրորդ՝ ռուսական բանակը նահանջում է դեպի արևելք... Ամենաակնառու լուծումը Օսկոլ գետի ձախ ափի և Սեվերսկի Դոնեցների երկայնքով պաշտպանության նոր գիծ կառուցելն է...: Երրորդ՝ ճակատամարտ Լիմանի համար. կարևոր կլինի, եթե ուկրաինական բանակին հաջողվի դա վերցնել, նշանակում է Դոնեցի ձախ ափին պաշտպանական գիծ ստեղծելու ծրագիրը կփլուզվի (Լիմանը գտնվում է ձախ ափին և խոշոր տրանսպորտային հանգույց է): Հնարավոր է, որ այդ պատճառով որոշվել է դուրս բերել ռուսական զորքերը Իզյումից՝ այս տարածքում պաշտպանությունն ուժեղացնելու նպատակով։
     Հետախուզության գլխավոր վարչության նախկին գնդապետ, Դոնբասի անջատական ​​բանակի նախկին հրամանատար Իգոր Ստրելկովը (Գիրկին) իր թելեգրամ-ալիքում հաստատել է աղբյուրներին հղումով, որ ռուսական զորքերը «շտապ լքել են Իզյումը»։

Ըստ Ստրելկովի՝ «հապճեպ նահանջը անխուսափելիորեն կհանգեցնի նահանջող զորքերի մեծ կորուստների:

Միևնույն ժամանակ, Ստրելկովը նշում է, որ չնայած դրան, «շրջափակված խմբի դուրսբերումը ռազմավարական առումով ճիշտ որոշում է, չնայած բոլոր կորուստներին։ Փրկված ստորաբաժանումներն ու կազմավորումները՝ վերակազմավորումից և համալրումից հետո, կրկին կկարողանան միանալ մարտին։

| | |
5620 | 0
Facebook