Ադրբեջանի ԱԳ նախարար Ջեյհուն Բայրամովը և ՌԴ ԱԳ նախարարի՝ ադրբեջանա-հայկական հարաբերությունների կարգավորման հարցերով հատուկ ներկայացուցիչ Իգոր Խովաևը բանակցություններ են վարել․ հաղորդում է Ադրբեջանի ԱԳՆ մամուլի ծառայությունը։
Դիվանագետները քննարկել են Երևանի և Բաքվի միջև հարաբերությունների կարգավորման գործընթացը, մտքեր են փոխանակել ռուս-ադրբեջանական երկկողմ օրակարգի, տարածաշրջանում տիրող իրավիճակի, այդ թվում՝ ադրբեջանա-հայկական հարաբերությունների կարգավորման տարբեր ասպեկտների, ձեռնարկված քայլերի, վստահության ամրապնդման ուղղությամբ իրականացված աշխատանքների, ինչպես նաև՝ մտքեր փոխանակել այս գործընթացների հեռանկարների վերաբերյալ։ Բացի այդ, Բայրամովը և Խովաևը կարևորել են Ռուսաստանի, Ադրբեջանի և Հայաստանի ղեկավարների կողմից ստորագրված եռակողմ հայտարարությունները, ինչպես նաև կարգավորման շրջանակներում ձեռք բերված պայմանավորվածությունները՝ տարածաշրջանում խաղաղություն և անվտանգություն ապահովելու համար։
Հանդիպմանը քննարկվել են նաև երկկողմ հետաքրքրություն ներկայացնող այլ տարածաշրջանային հարցեր։