Արևելյան տնտեսական համաժողովին Հայաստանի վարչապետ Նիկոլ Փաշինյանի մասնակցության մասին պայմանավորվածությունը վաղուց էր ձեռք բերվել։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը՝ ТАСС-ին տված հարցազրույցում:
Հարցին՝ Ադրբեջանը հրավիրվե՞լ է, պատասխանել է. «Ոչ: Հայկական կողմի հետ բավականին վաղուց էր պայմանավորվածություն ձեռք բերվել, որ պարոն Փաշինյանը կժամանի համաժողովին՝ հատկապես, որ մեր հայ գործընկերներն այս կողմերում չեն եղել»,- ասել է նա։