Ուկրաինայի նախագահ Վլադիմիր Զելենսկին հայտարարել է, որ Կիևը առնչություն չունի լրագրող Դարիա Դուգինայի սպանության հետ։ Այս մասին նա ասել է Ղրիմի պլատֆորմի գագաթնաժողովում:
«Դա միանշանակ մեր պատասխանատվությունը չէ։ Նա մեր երկրի քաղաքացի չէ, մեզ չի հետաքրքրում։ Եվ նա Ուկրաինայի տարածքում չի եղել»,- ասել է քաղաքական գործիչը։
Ընթացիկ գագաթնաժողովի շրջանակներում Ուկրաինայի ղեկավարը նաև հայտարարել է, որ Կիևն ամեն կերպ կվերադարձնի Ղրիմը և Ռուսաստանին մեղադրել է Ուկրաինայի հետ երկխոսության բացակայության մեջ։