Խնդրում ենք սպասել...

Միջազգային

Ալիևը հայտարարել է, որ Ղարաբաղի հայերը «ո՛չ կարգավիճակ, ո՛չ որևէ հատուկ արտոնություններ» չեն ունենա

21:07, ուրբաթ, 12 օգոստոսի, 2022 թ.
Ալիևը հայտարարել է, որ Ղարաբաղի հայերը «ո՛չ կարգավիճակ, ո՛չ որևէ հատուկ արտոնություններ» չեն ունենա

Ղարաբաղում ապրող «հայերը պետք է հասկանան` իրենց ապագան անցնում է ադրբեջանական հանրության մեջ ինտեգրվելու միջով», Իսմայիլի շրջան այցելության ընթացքում ադրբեջանական ՀԸ տված հարցազրույցում հայտարարել է Ադրբեջանի նախագահ Իլհամ Ալիևը. գրում է «Ազատություն»-ը:

«Ուրիշ կերպ հնարավոր չէ։ Մենք իրական կյանքում ենք ապրում։ Տնտեսական, աշխարհագրական, տրանսպորտային տեսանկյունից Ղարաբաղն Ադրբեջանի անքակտելի մասն է, նաև պատմական ու միջազգային իրավունքի տեսակետից նրա մասն է»,- ասել նա։

Ալիևը հայտարարել է, որ Ղարաբաղում ապրող հայերը չեն ունենա «ո՛չ կարգավիճակ, ո՛չ անկախություն, ո՛չ որևէ հատուկ արտոնություններ»։ «Ինչպես Ադրբեջանի քաղաքացիները, այնպես էլ նրանք։ Ինչպես պաշտպանվում են Ադրբեջանի քաղաքացիների իրավունքները, այնպես էլ նրանցը։ Ինչպես պաշտպանվում են Ադրբեջանում ապրող ժողովուրդների իրավունքները, այնպես էլ նրանցը։ Սա է միակ ճանապարհը», - շեշտել է նա։

5123 | 1
Facebook