Խնդրում ենք սպասել...
Այսօր`  չորեքշաբթի, 05 հոկտեմբերի, 2022 թ.

Համացանց

«Աղվան Հովսեփյանը վերջինն է մտել Խաչատրյանի աշխատասենյակ, իսկ դուրս գալիս գրառում չի կատարել». Արման Բաբաջանյան

16:48, ուրբաթ, 12 օգոստոսի, 2022 թ.
«Աղվան Հովսեփյանը վերջինն է մտել Խաչատրյանի աշխատասենյակ, իսկ դուրս գալիս գրառում չի կատարել». Արման Բաբաջանյան

ՀՀ ԱԺ նախկին պատգամավոր Արման Բաբաջանյանը ֆեյսբուքյան իր էջում գրում է. «Նվաստիս 3,5-ամյա ազատազրկման դատապարտած դատավոր, նույն ինքը Մնացական Մարտիրոսյանի կողմից Հայաստանի նախկին գլխավոր դատախազ Աղվան Հովսեփյանի խափանման միջոցի վերջին փոփոխությունը որոշ մտածումների տեղիք տվեց։
     Երբ 1998թ․ օգոստոսի 6-ին իր աշխատասենյակում սպանվեց նախկին գլխավոր դատախազ Հենրիկ Խաչատրյանը, Աղվան Հովսեփյանը, ով աշխատում էր դատախազությունում, բոլոր բացահայտումներն արեց և դարձավ գլխավոր դատախազ:
     Հենց ինքն էր վերջինը մտել Խաչատրյանի աշխատասենյակ, իսկ դուրս գալու վերաբերյալ գրանցամատյանում ոչ մի գրառում չէր արվել։
     Այն ժամանակ նշվեց, որ սպանությունը կատարել է տրանսպորտի նախկին դատախազ Արամ Կարապետյանն ու ինքնասպան եղել: Հանրությունը համաձայն էր, որ սպանության հեղինակը դատախազության աշխատակից է, բայց համաձայն չէր, որ ազգանունը Կարապետյան է:
     Աղվան Հովսեփյանի գլխավոր դատախազի պաշտոնում գտնվելու ժամանակ սպանվել են ԱԺ նախագահ, վարչապետ, գլխավոր դատախազ, ԱԺ երկու փոխնախագահներ, ներքին զորքերի հրամանատար, պաշտպանության փոխնախարար, պատգամավորներ: Այս ցանկը կարելի է շարունակել:
     2008-ի համազգային շարժումը հոգեխանգարմունք որակած Աղվան Հովսեփյանը անպայման կանգնելու է արդարադատության առաջ։ Մարտի մեկի սպանութունները բացահայտվելու են: Թող որևէ մեկը չկասկածի։
     Ոչ ոք չի մոռացվել, ոչինչ չի մոռացվել, չի մոռացվելու։ Բոլորը պետք է հիշեն, որ արդարադատությունը մի օր թակելու է իրենց դուռը»:

| | |
3564 | 0
Facebook