Հեռախոսազրույց են ունեցել Եվրոպական միության նախագահ Շառլ Միշելը և Ադրբեջանի նախագահ Իլհամ Ալիևը, այս մասին հայտնում են ադրբեջանական լրատվամիջոցները: Միշելն ընդգծել է Եվրոմիության համար Հարավային Կովկասում կայունության, խաղաղության և անվտանգության ապահովման կարևորությունը։
Նա նշել է, որ Եվրոմիությունը կշարունակի ջանքերը Հայաստանի և Ադրբեջանի միջև հարաբերությունների կարգավորման, խաղաղության պայմանագրի ստորագրման, սահմանների սահմանազատման և տրանսպորտային և հաղորդակցության ուղիների բացման ուղղությամբ։ Ալիևն էլ հույս է հայտնել, որ Միշելի նախաձեռնությամբ տեղի ունեցած եռակողմ բանակցությունները կհանգեն իրական արդյունքների։