«Այսօր հաստատված ռազմագերիների 90 տոկոսը գերեվարվել են ռուս-խաղաղապահների տեղակայումից հետո և նրանց պատասխանատվության գոտում: Գերիներին չվերադարձնելու քաղաքականության նպատակը մեկն է՝ վարկաբեկել ռուս խաղաղապահների գործունեությունը»,- այսօր, առցանց ասուլիսի ժամանակ, հայտարարեց ՀՀ վարչապետ Նիկոլ Փաշինյանը։
«Միջազգային կազմակերպությունների և Ադրբեջանի հաստատմամբ՝ Հայաստանի Հանրապետությունն ունի 38 ռազմագերի, սակայն ունենք նաև երկրորդ ցուցակ, որոնց գերեվարված լինելը դեռևս հաստատված չէ»,- ասաց Փաշինյանը՝ նշելով, որ այս հարցով միջազգային ատյաններում առկա են դատական գործընթացներ։