Zangi-ի հիմնադիր Վահրամ Մարտիրոսյանը ֆեյսբուքյան իր էջում գրել է. «Ուկրաինական պատերազմում ռուսների կողմից խոցված «Բայրաքթարների» քանակը հատեց 100-ը։ Արդեն պայթել է մեր ԲՈՒԹ գեներալների կողմից ստեղծված «Բայրաքթարի» իմիջը։
Ժամանակակից ՀՕՊ-երի ինտեգրված ու գրագետ աշխատանքի դեպքում Բայրաքթարի կորուստները բազմակի անգամ գերազանցում են նրանից ստացած օգուտներին, և Բայրաքթարը մարտի դաշտում դառնում է տնտեսապես ոչ արդյունավետ գործիք։
Կարելի է պնդել, որ դանդաղաշարժ տակտիկական հարվածային ԱԹՍ-ների ժամանակները անցնում են, կամ արդեն անցել են։ Բայրաքթարի տիպի ԱԹՍ-ներին փոխարինելու են գալիս փոքր հեռավորության մարտավարական թևավոր հրթիռները։
Մեր ամենամեծ սխալը կլինի այն, որ մենք այս անգամ էլ կատարենք նույն սխալը ու պատրաստվենք անցած պատերազմին»։