Իրավապաշտպան Արթուր Սաքունցը ֆեյսբուքյան իր էջում գրել է. «Դուք անցյալ եք՝ անվերադարձ
Քիմիական, տվյալ դեպքում կոռուպցիոն կապերն անխախտ ու անբեկանելի են. պուտինիզմի անմիջական մետաստազները Հայաստանում:
Ու սա այն պուտինահպատակներն են, որոնք Արցախի ճակատագրով այնքան են մտահոգված, որ ծպտուն անգամ չեն հանում իրենց սուզերենի՝ Պուտինի այն արտահայտության մասին, թե Լեռնային Ղարաբաղն Ադրբեջանի մասն է:
Ու այսքանից հետո դեռ մի հատ էլ տրտնջում են, թե բա հայկական թեմաներն անտեսում ենք:
Չենք անտեսում, պուտինիզմը էրդողանի ու Ալիևի ռեժիմների թիվ մեկ հովանավորն է ու հենց թիվ մեկ սպառնալիքն է Հայաստանի անվտանգության:
Առանց Պուտինի նման հովանավորության Հայաստանը չէր ունենա սպառնալիքներ:
Ու եթե խոսում եք Թուրքիայի կամ Ադրբեջանի սպառնալիքների մասին, առանձնացված պուտինիզմից, կեղծում եք ու ստում եք, ու ոչ թե Հայաստանի կամ Արցախի փրկության մասին եք մտահոգ, այլ Հայաստանում պուտինիզմի փրկության մասին:
Ու իմացեք, պուտինիզմը Հայաստանում չի լինելու, ինչքան էլ Ձեզ պատերով տաք կամ հազար ու կես լինեք: Դուք անցյալ եք անվերադարձ»: