Խնդրում ենք սպասել...

Համացանց

«Պարզվում է՝ Անդրեա Վիկտորինը, Նիկոլից բացի, ժամանակին սիրել է նաև Լուկաշենկոյին». Ն. Զոհրաբյան

16:00, շաբաթ, 21 մայիսի, 2022 թ.
«Պարզվում է՝ Անդրեա Վիկտորինը, Նիկոլից բացի, ժամանակին սիրել է նաև Լուկաշենկոյին». Ն. Զոհրաբյան

ԱԺ նախկին պատգամավոր Նաիրա Զոհրաբյանը ֆեյսբուքյան իր էջում լուսանկար է տարածել՝ կից գրառմամբ. «Պարզվում է, Հայաստանում ԵՄ դեսպան Անդրեա Վիկտորինը, Նիկոլից բացի, ժամանակին սիրել է նաև Լուկաշենկոյին
     Այո, Հայաստանում ԵՄ դեսպան Անդրեա Վիկտորինը միայն հայկական բռնապետությունը չէ, որ սիրել և գուրգուրել է։
     Սույն տիկինը 2015-19 թվականներին Բելառուսում ԵՄ դեսպանն է եղել ու նույնքան հիացած է եղել բռնապետ Լուկաշենկոյով։
     Որոշեցի թերթել ԵՄ դեսպանի՝ բելառուսական գաստրոլների տարիների հարցազրույցներն ու պարզվում է՝ Լուկաշենկոն մի հիանալի մարդ է, իսկ Բելառուսը հաստատուն քայլերով գնում է դեպի ժողովրդավարություն։
     Ավելին, երբ 2016 թվի մի հարցազրույցում լրագրողը հարցնում է Անդրեա Վիկտորինին՝ «համաձա՞յն եք ձևակերպմանը, որ Լուկաշեկնոն Եվրոպայի վերջին դիկտատորն է», մեր «ժողովրդավար» մորաքույրն իր անհամաձայնությունն է հայտնում իր ընկեր Լուկաշենկոյի հասցեին արված «ծանր մեղադրանքին»։
     Ի դեպ, 2015-19 թվականներին Բելառուսում ժողովրդավարություն տարածող տիկինը, ով, ըստ բրյուսելյան մեր աղբյուրների, բավականին ջերմ հարաբերություններ է ունեցել Բատկայի հետ, Բրյուսելում մի քանի անգամ հայտնվել է դիվանագիտական սկանդալների մեջ, երբ թաքցրել և Բրյուսել չի զեկուցել, կամ՝ «լայթսի» մեջ է զեկուցել Բելառուսում մարդու իրավունքների հետ կապված իրական պատկերը։
     Հա, ի դեպ, իր մեկ այլ հարցազրույցում տիկինը պատմել է իր մի երազանքի մասին՝ «երբ Բելառուսի հետ ԵՄ վիզան դառնա 35 եվրո, ես մի ամբողջ բաժակ շամպայն եմ խմելու»։
     Ոնց որ թե հասկացանք, որ սա՛ է արևմտյան ժողովրդավարությունը, երբ ըստ նպատակահարմարության՝ Լուկաշենկոն կարող է դառնալ Նելսոն Մանդելա, հետո՝ Ներոն ու Դրակուլա, իսկ նիկոլական Հայաստանը դեռ որ ժողովրդավարության բաստիոն է։
     Բնականաբար, մինչև Ադրբեջանի հետ խաղաղության պայմանագիր կնքելն ու Արցախը Ադրբեջանին հանձնելը»:

4580 | 0
Facebook