ՌԴ ԱԳՆ-ը հրապարակել է Կանադայի 592 քաղաքացիների ցուցակը, որոնց արգելված է մուտք գործել Ռուսաստան։ Ցուցակում ընդգրկված են Կանադայի վարչապետ Ջասթին Թրյուդոն, Կանադայի արտաքին գործերի նախարար Մելանի Ջոլին և Կանադայի անվտանգության և հետախուզության ծառայության տնօրեն Դեյվիդ Վիգնոտը։
«Ռուսական կողմից նման պատժամիջոցները կիրառվում են բացառապես ի պատասխան Կանադայի ղեկավարության թշնամական գործողությունների»,- ընդգծել է ՌԴ ԱԳՆ-ն։
Նախարարությունը կոչ է արել Օտտավայի իշխանություններին հրաժարվել «ռուսաֆոբական ընթացքից», որը «զրկում է Կանադային անկախությունից» և «չի համապատասխանում նրա ազգային շահերին»։
Հիշեցնենք, որ Կանադայի խորհրդարանն Ուկրաինայի իրադարձություններն անվանել է «ցեղասպանություն» եզրույթով: