Հոնկոնգում Sotheby's աճուրդում վաճառվել է 15,10 կարատ քաշով De Beers Blue եզակի ադամանդը։
Լոտը նախնական գնահատվել է 48 միլիոն դոլար. The De Beers Blue-ի վերջնական գինը եղել է 57,5 միլիոն դոլար (450,9 միլիոն հոնկոնգյան դոլար): Աճուրդը տևել է ընդամենը 10 րոպե, գնորդի անունը չի հաղորդվում, հայտնում է Bloomberg-ը։
De Beers Blue-ն՝ Fancy Vivid Blue նրբերանգով, երբևէ աճուրդի դրված ամենամեծ կապույտ ադամանդն է: Այն կտրվել է ադամանդից, որն արդյունահանել է De Beers-ը Հարավային Աֆրիկայի Cullinan հանքավայրում 2021 թվականին: Բացի արտասովոր գույնից, քարն ունի աստիճանավոր կտրվածք, որն ավելի է ընդգծում նրա ներքին կառուցվածքը։