Դոնեցկի շրջանային ռազմական վարչակազմի ղեկավար Պավել Կիրիլենկոն հայտնել է, որ Մարիուպոլում, նախնական տվյալներով, զոհվել է մինչև 22 հազար մարդ։ Այդ մասին նա ասել է CNN-ին։
«Այժմ մենք խոսում ենք Մարիուպոլում 20-22 հազար զոհվածների մասին»,- ասել է Կիրիլենկոն՝ հավելելով, որ ծանր իրավիճակը քաղաքում, որը գտնվում է շրջափակման և պաշարման մեջ, թույլ չի տալիս ստույգ ճշտել զոհերի թիվը։
Միաժամանակ CNN-ը նշում է, որ Մարիուպոլում զոհերի թվի վերաբերյալ անկախ գնահատականներ չկան։