Մեծ Բրիտանիայի վարչապետ Բորիս Ջոնսոնը տեսաուղերձ է հրապարակել՝ ուղղված Ռուսաստանի ժողովրդին, որում կոչ է անում ճշմարիտ տեղեկություններ փնտրել ուկրաինական պատերազմի մասին և համոզմունք է հայտնել, որ ռուսները, իմանալով ճշմարտությունը, չեն կարող աջակցել Պուտինի գործողություններին։
Ջոնսոնը խոսքը սկսում է ռուսերեն. «Ռուսներն արժանի են ճշմարտությանը, նրանք արժանի են իմանալու փաստերը»։
Նա ասում է, որ ռուս զինվորականների վայրագությունները Բուչայում, Իրպենում և Ուկրաինայի այլ վայրերում սարսափեցրել են աշխարհը։